Финляндия президенті Трамп пен Зеленскийдің тартысын ерлі-зайыптылардың жанжалына теңеді, деп хабарлайды Malim.kz.
Александр Стубб Bloomberg арнасына берген сұхбатында Дональд Трамп пен Владимир Зеленский арасындағы Ақ үйдегі пікірталасты ерлі-зайыптылар арасындағы ұрысқа ұқсатты.
«Менің ойымша, танго билеу үшін әрқашан екі адам қажет. Кейде некеде немесе басқа қарым-қатынастарда сіз бұрышқа тығылып, ренжіп отырасыз, бірақ кейін шығып, сөйлесіп, қол алысып, алға жылжу керек», – деді ол.
Оның пікірінше, «кейде ашық дипломатия нәтиже бермейді», сондықтан мұндай жағдайда «фин болу керек», яғни терең тыныс алып, суық ванна қабылдап, саунаға барып, содан кейін келіссөз үстеліне қайта оралу қажет.
Стуббтың айтуынша, «алға жылжудың жолы – Зеленский мен Трамптың қайта кездесіп, қазба байлықтарын өндіру туралы келісімге келуі». Ол мұны «бітімге келу мен бейбіт келіссөздерге жетелейтін шешуші қадам» деп санайды.
Фото: Vesa Moilanen / IMAGO / Global Look Press
