Иран Израиль шабуылына әлдеқайда күшті жауап қайырмақ
Оған сол төңіректегі Израильге қарсы күштер де қосылмақ
Иранның Жоғары ұлттық қауіпсіздік кеңесі Иранның нысандарына 26 қазан күнгі жасалған соққыға жауап ретінде Израильге әскери шара қолдану туралы шешім қабылдады. Бұл туралы Иран Меджлисінің ұлттық қауіпсіздік комитетінің мүшесі Эсмаил Косари мәлімдеді. Оны Didban Iran порталы келтіріп отыр, деп хабарлайды Malim.kz.
Косаридің айтуынша, кейбір үкімет өкілдері мен басқа тұлғалар Израильге жауап қайтармаймыз десе де шешім қабылдау құқығы олардың қолында емес.
Сионистік режимге әскери жауап беру туралы шешімді Жоғары ұлттық қауіпсіздік кеңесі қабылдады, деп мәлімдеді Косари.
Сондай-ақ, ол Иранның әскери жауабы алдыңғыларынан әлдеқайда қуатты болатынын және Біріккен күштер қарсылығының қатысуымен жүзеге асатынын атап өтті.
Аймақтағы қарсылық топтары біздің қарулы күштерімізбен бірлесе отырып, сионистік режимге жауап беруге дайын болады. БК қарсылығы мүшелері операция алдында өз пікірлерін білдіргісі келсе, шешім қабылданғанға дейін хабарлауы керек. Осылайша, Иранның әскери жауабы қарсылық күштерімен бірлесе жүзеге асырылады, деді Косари.
Косаридің сөзінше, уақыты пен көздеу мақсаттарын анықтау жауапты тұлғаларға жүктеледі.
Фото: pixabay.com
