Израиль билігі Газа секторындағы операцияны едәуір кеңейтетінін мәлімдеді, деп хабарлайды Malim.kz dw.com сайтына сілтеме жасап.
Бұл ретте Израиль армиясы "аумақты террористер мен олардың инфрақұрылымынан тазартуды" көздейді, деп мәлімдеді Израильдің қорғаныс министрі Исраэль Кац.
Өз мәлімдемесінде Кац жағалау аймағындағы ірі аудандар Израильдің бақылауына алынып, "қауіпсіздік аймақтары" ретінде жарияланатынын ескертті. Оның айтуынша, қақтығыс аймақтарында ауқымды халық эвакуациясы жүргізіледі. Сонымен қатар, ол Газа секторының тұрғындарын ХАМАС лаңкестік тобын қуып шығуға және израильдік тұтқындарды босатуға шақырды. Бұл – соғысты тоқтатудың жалғыз жолы, деп қосты министр.
The Times of Israel және басқа да израильдік БАҚ-тың мәліметінше, Израиль қорғаныс армиясы (ЦАХАЛ) өткен түнгі әуе соққыларынан кейін Газа секторының оңтүстігіндегі операцияны кеңейту үшін қосымша бөлімше жіберген.
Фото: Ariel Schalit/AP/picture alliance
