Израиль Ирандағы нысандарға шабуылын аяқтағанын мәлімдеді
Оны Иран шабуылдарына жауап ретінде мәлімдеген
Израиль 26 қазан – сенбіге қараған түні Иранға үш қайтара әуе соққысын жасады. Теһран мен жақын орналасқан Қарадж қаласының үстінде кемінде жеті жарылыс болған, деп хабарлайды Malim.kz.
ТАСС Израиль Қорғаныс армиясы (ЦАХАЛ) Ирандағы нысандарға жасалған шабуылдың аяқталғанын мәлімдегенін жазды.
Израиль Қорғаныс армиясы Иранның бірнеше аймағындағы әскери нысандарға дәл және мақсатты соққылар жасады, делінген армияның баспасөз қызметі таратқан мәлімдемеде.
Құжатта Израиль ұшақтары «үйлеріне сәтті оралғаны» аталып өткен.
Сондай-ақ, бұл соққылар соңғы айларда Иран режимінің Израиль мемлекеті мен оның тұрғындарына жасаған шабуылдарына жауап ретінде жасалғаны көрсетілген.
ЦАХАЛ Теһран аймақтағы жағдайды одан әрі ушықтыратын болса, жауап қайтара алатынын атап өтті.
The Jerusalem Post газетінің хабарлауынша, Иранға жасалған шабуылға 100-ден астам Израиль ұшағы, оның ішінде соңғы үлгідегі көзге көрінбейтін F-35 жойғыштары қатысқан.
Фото: pixabay.com
MalimBlocks
