Колумбияда көшкін болып, 4 адам көз жұмды
Колумбияның оңтүстігіндегі Нариньо департаментіндегі көшкін салдарынан төрт адам қаза тауып, 100-ге жуық отбасы баспанасыз қалды. Бұл туралы Report.com-ға сілтеме жасап Malim.kz хабарлайды.
Бұл туралы аймақ губернаторы Луис Альфонсо Эскобар әлеуметтік желіде мәлімдеді.
Жаңбыр бірнеше қалада төтенше жағдайларды тудырды, бірақ ең жойқыны Пасто қаласындағы Эль-Энкано елді мекенінде болды, онда көшкін төрт адамның өмірін қиып, елеулі шығын келтірді, — деді ресми өкіл.
Көшкін 400-ден астам отбасыға әсер етті, бірнеше жолды жүруге жарамсыз етіп, үш су арнасының опырылуына себеп болды. Билік жолдарды тазалап, ауыз суды автоцистерналармен жеткізу жұмыстарын жүргізуде, деді губернатор.
Ла-Крус қаласында 100 отбасы су тасқынынан зардап шекті, үш жаяу жүргіншілер көпірі қирады.
Фото: Report
Самое читаемое
