Мерц: Украинаға бейбіт жоспар қажет, Еуропа қолдауды күшейтеді
ФРГ канцлері Фридрих Мерц Зеленскиймен сөйлескеннен кейін Украинаға дәл қазір бейбіт жоспар қажет екенін айтты, деп хабарлайды Malim.kz DW-ге сілтеме жасап.
Ол және басқа да еуропалық көшбасшылар елге қолдауды күшейтіп, «Ресейді келіссөздерге итермелеу» қажеттігін айтты.
Германия үкіметінің ресми өкілі Штефан Корнелиустың айтуынша, Мерц пен өзге де еуропалық лидерлер Украинаға қолдауды арттыруға уәде беріп, Мәскеуге қысымды санкциялар арқылы күшейтуді және ресейлік мұздатылған мемлекеттік активтерді пайдалануды жоспарлап отыр.
«Владимир Зеленский бейбітшілік жолында Германия мен біздің еуропалық достарымыздың толық қолдауына ие», – деді Мерцтің сөзін Корнелиус келтірді.
Айта кетсек, 17 қазанда АҚШ президенті Дональд Трамппен кездесуінен кейін Зеленский еуропалық көшбасшылармен топтық телефон арқылы сөйлесіп, келесі қадамдарды талқылаған. Лидерлер алдағы оқиғаларды мұқият қадағалайтындарын мәлімдеді.
Фото: Frank Ossenbrink/IMAGO
