Моңғолия мектептерінде ағылшын тілі негізгі шет тіліне айналады
Моңғолияда 2024 жылдың қыркүйегінен бастап ағылшын тілі елдегі негізгі шет тіліне айналады. Ал тілді үйрететін мұғалімдер шетелде білім алады.
Бұл туралы Моңғолиның жаңа білім министрі Пурэвсурэнгийн Наранбаяр ұстаздар кеңесінде айтты.
- Үшінші сыныптан бастап ағылшын тілін негізгі шет тілі ретінде оқыту биылғы оқу жылында 100 мектепте тестілік режимде басталады. Pearson English бағдарламасы оффлайн және онлайн түрде оқытылады, - деді министр.
Министрдің сөзінше, ағылшын тілі мұғалімдері магистр дәрежесін алу үшін шетелде оқиды. Айта кетейік, бұған дейін Моңғолияның ағылшын тілі мұғалімдерін Филиппинде оқыту туралы келісім жасалған.
АҚШ Мемлекеттік хатшысы Энтони Блинкен болса, Ұлан-Баторға сапарында Моңғолияда ағылшын тілі орталығын құру ниеті бар екенін жеткізді.
Фото: ru.wikipedia.org
