Нигерияда террористер 73 адамды ұрлап әкетті
Нигерияның Замфара штатындағы екі ауылға жасалған қарулы шабуыл салдарынан 73 адам ұрланды, деп хабарлайды Анадолы.
Жергілікті БАҚ-тың хабарлауынша, қарулы банданың мүшелері Замфара штатының Бузугу және Раяу ауылдарына шабуыл жасады.
Шабуыл салдарынан 73 адам ұрланып, көптеген адамдар жарақат алды.
Оқиға орнына қауіпсіздік күштері жіберіліп, тергеу басталды.
Нигерия бірнеше жылдан бері қарулы бандалар мен террористік топтардың шабуылдарына тап болып келеді. Олардың арасында белгілі «Боко Харам» ұйымы және Батыс Африкадағы ДАЕШ-тің ISWAP бөлімшесі бар. Бұл топтар елдің түрлі өңірлерінде адам ұрлау, шабуылдар мен террорлық әрекеттерді жиі ұйымдастырады.
Нигерияда адам ұрлау қылмысы үшін өлім жазасы қарастырылғанымен, адамдарды ұрлап, олардан ақша талап ету оқиғалары жиі кездеседі.
Қарулы адамдар, әдетте, елдің солтүстігіндегі ауылдар, мектептер мен жолаушыларды нысанаға алып, ақша талап етеді.
Фото: Анадолы
