Парижде өткен «қалау білдірушілер коалициясы» саммитінде Еуропа көшбасшылары Украинаға көп деңгейлі қолдау көрсетуді тұрақты және әділетті бейбітшілік орнағанға дейін жалғастыруға бел буды. Бұл туралы DW сайты ЕО дипломатына сілтеме жасап хабарлады.
Жалпы 31 мемлекет, сондай-ақ ЕО мен НАТО өкілдері қатысқан кездесуде Киевке әскери, қаржылық және энергетикалық қолдауды күшейту, сондай-ақ елдің қалпына келуіне көмектесу туралы мәлімделді.
Саммит қатысушылары Украинаға қосымша 17 миллиард еуро көлемінде әскери көмек бөлуді, Киевке 2 миллион дана артиллериялық оқ-дәрі жеткізуді және ЕО елдері арасындағы үйлестіруді жақсартуды міндетіне алды. Бұл көмек Украина қажеттіліктеріне сай болуы үшін жасалып отыр.
Сонымен қатар, еуропалық көшбасшылар украин қорғаныс өнеркәсібімен ынтымақтастықты арттыруға және украин сарбаздарын әскери дайындау жөніндегі ЕО миссиясын дамытуға келісті.
Фото: LUDOVIC MARIN/POOL/AFP/Getty Images
Байланысты жаналықтар
MalimBlocks
