Фото интернеттен алынды
Ресей армиясы Киевті баллистикалық зымырандармен атқылағаны туралы украиналық әскери күштер мен мониторингтік арналар хабарлап отыр. Бұл туралы жергілікті Телеграмм арналар жазды.
Жергілікті дереккөздер астанада бірнеше жарылыстың болғанын мәлімдеді.
Зымырандардың нақты саны туралы ақпарат әлі жоқ.
Киев әкімдігі қаладағы Голосеевский ауданында атып түсірілген зымыран сынықтары көліктерді өртегенін хабарлады.
Зымыран соққысының басқа салдары туралы әзірге айтылған жоқ.
Сондай-ақ, Украина құтқару қызметі Ресейдің дрондармен жасаған түнгі шабуыл кезінде Киев маңындағы Борисполь ауданында қоймадан үлкен өрт шыққанын хабарлады; құтқарушылардың айтуынша, өрт сөндірілген.
Мемлекеттік төтенше жағдайлар қызметі мәліметі бойынша өрттің аумағы 15 мың шаршы метрді құраған, оны сөндіруге 72 өрт сөндіруші мен 24 техника, сондай-ақ өрт сөндіру пойызы жұмылдырылған.
Байланысты жаналықтар
MalimBlocks
