Тағы да апат. 167 жолаушысы бар ұшақ жанып кетті
Гонконгқа бет алған лайнер тура ұшар алдында өртенген
Оңтүстік Кореяда 170-тен аса адам мінген ұшақ түгелдей өртеніп кетті. Қайғылы оқиға туралы 24 kz-ке сілтеме жасап Malim.kz хабарлайды.
Оқиға Пусан қаласының әуежайында болған. Гонконгқа бет алған лайнер тура ұшар алдында өртенген. Оттың неден тұтанғаны белгісіз.
Жолаушылар мен экипаж мүшелері дер кезінде эвакуацияланып, бәрі аман қалған.
Айта кетейік, бір ай бұрын Оңтүстік Кореяның Муан қаласының әуежайында дөңгелегі ашылмай қонған ұшақ бетон қоршауға соғылғаннан кейін бірден жарылып, өртенген еді. Салдарынан 181 адамның тек екеуі ғана тірі қалды. Алдын ала мәлімет бойынша апатқа ұшақтың құстармен соқтығысуы себеп.
фото: Yonhap
