АҚШ президенті Дональд Трамп әкімшілігіндегі Ұлттық қауіпсіздік кеңесінің (ҰҚК) мүшелері, оның ішінде ұлттық қауіпсіздік жөніндегі кеңесшісі Майк Уолц үкіметтік хат алмасу үшін жеке Gmail аккаунттарын пайдаланған. Бұл туралы The Washington Post (WP) басылымы үш америкалық шенеунікке сілтеме жасап хабарлады.
Басылымның мәліметінше, Уолцтың жоғары лауазымды көмекшісі басқа мемлекеттік мекемелердегі әріптестерімен әскери құпия объектілер мен қару-жарақ жүйелеріне қатысты мәселелерді коммерциялық электрондық пошта арқылы талқылаған.
Уолцтың өзіне Gmail арқылы аса құпия болмаған, бірақ әлеуетті қауіп төндіруі мүмкін ақпарат жіберілген. Олардың қатарында оның жұмыс кестесі мен басқа да қызметтік құжаттар болған.
Шенеуніктердің айтуынша, ұлттық қауіпсіздік жөніндегі кеңесші кейде кездесулер мен талқылауларды үйлестіру үшін өзінің жұмыс кестесіне қатысты деректерді Signal мессенджерінде де орналастырған.
Фото: Win McNamee/Getty Images
Байланысты жаналықтар
MalimBlocks
