Үндістандағы ұшақ апатынан барлық 242 адам қаза болуы мүмкін
Air India әуе компаниясының ұшағы Батыс Үндістандағы Ахмадабад қаласының әуежайынан ұшқан сәтте апатқа ұшырады. Бортта 242 адам болған, олардың барлығы қаза тапқан болуы ықтимал, деп хабарлайды Malim.kz BBC-ге сілтеме жасап.
Аман қалғандар жоқ секілді. Ұшақ тұрғын үйлер мен кеңселер орналасқан ауданға құлағандықтан, қаза тапқандар саны бұдан да көп болуы мүмкін, – деп мәлімдеді AFP агенттігіне қала полициясының комиссары Г.С. Малик.
Барлық Үндістан медициналық қауымдастықтарының федерациясы (FAIMA) ұшақ жергілікті дәрігерлер мен медицина студенттері тұратын жатақханаға құлағанын нақтылады. Апат салдарынан 50-60 адам түрлі жарақатпен ауруханаға жеткізілген.
FAIMA дерегінше, жараланғандардың кемінде екеуі жансақтау бөлімінде жатыр. Тағы бес студент пен бірнеше дәрігердің туыстары әзірге із-түзсіз жоғалғандар қатарында.
Фото: Central Industrial Security Force/Facebook
Ең көп оқылған
