РФ президентінің көмекшісі Владимир Мединский Ресей Жазушылар одағын басқарды. Оның кандидатурасы Жазушылар одағының XVII съезінде бекітілді. Басқа кандидаттар болмады, деп хабарлайды Malim.kz dw.com сайтына сілтеме жасап.
Белгілі болғандай, Мединскийдің кандидатурасын Ресей Жазушылар одағы басқармасының төрағасы Николай Иванов ұсынған, ол бұған дейін өз еркімен қызметінен кеткен. Мединскийдің кандидатурасы бекітілгенге дейін делегаттар ұйымның жаңа жарғысын қабылдап, басшылық лауазымның атауын өзгерткен – енді ол "төраға – бірінші хатшы" деп аталады.
Владимир Мединский 2011 жылға дейін 8 жыл бойы Мемлекеттік Думаның депутаты болды, 2012-2020 жылдары мәдениет министрі қызметін атқарды. Ол "Ресей туралы мифтер" атты кітаптар сериясының, сондай-ақ "Ресей ешқашан берілмеген" және "Мәдени саясат және ұлттық идея" кітаптарының авторы.
2023 жылы Ресейде 10-11 сыныптарға арналған жаңа тарих оқулығы жарық көрді, оның Украинадағы соғысқа арналған бөлімі бар. Бұл оқулықтың бас авторы – Мединский, бірақ сарапшылар оны тарихшы-дилетант деп санайды. Жаңа төраға бұл оқулықта Украинаны "ультранационалистік" мемлекет деп атап, оқушыларды "шетелдік агенттерге" сенбеуге шақырады.
Фото: Андрей Гордеев / Ведомости
