Төтенше жағдайлар министрлігінің әуе көлігімен Атырау облысының Қызылқоға ауданындағы Миялы ауылынан ауыр жағдайдағы науқас шұғыл түрде облыс орталығына жеткізілді, деп хабарлайды Malim.kz.
ТЖМ-нің «Қазавиақұтқару» әуе кемесімен 1975 жылы туған азамат Атырау қаласындағы медициналық мекемеге тасымалданды.
Ұшқыштар мен медицина қызметкерлерінің жедел әрі үйлесімді жұмысының арқасында науқас мамандандырылған медициналық көмек алу үшін дер кезінде жеткізілді.
ТЖМ мәліметінше, санитарлық авиация шалғай елді мекендердегі тұрғындарға шұғыл медициналық көмек көрсетуде маңызды рөл атқарады.
