Елімізде ана мен бала өлімі азаймай тұр. Денсаулық сақтау министрі Ажар Ғиният Қазақстандағы өлім көрсеткіші жоғары аймақтарды атап көрсетті.
Министрдің айтуынша, бала өлімінің ең жоғары көрсеткіші Шымкент қаласы, Қостанай, Батыс Қазақстан, Солтүстік Қазақстан және Қызылорда облыстарында. 60 пайызында шала туған нәрестелер шетінеп кеткен. Өлім көрсеткіші 1000 тірі туған бала санына шаққанда 8,3 болған.
«Сонымен қатар, ана өлімі Павлодар, Қарағанды, Қызылорда және Батыс Қазақстан облыстарында жоғары», деді Ғиният.
«Оның себебі, акушерлік асқынулар - 70 пайыз, соматикалық аурулар - 30 пайыз», - деді ол Үкімет отырысында.
