Грантқа түскен талапкерлердің эмоциялы сәттері жарияланды (ВИДЕО)

Мемлекеттік білім беру грантын ұтып алған талапкерлердің эмоциялы сәттері түсірілген бейнежазбалар әлеуметтік желілерде жарияланып жатыр, деп хабарлайды Malim.kz.

Бейнежазбаларда бірі қатты қуанып жатса, тағы бірі көз жасына ерік берген. Көбі аналарымен, отбасымен бірге отырып қуанышты хабарды бірге қарсы алған.

Айта кетейік, бүгін Ғылым және жоғары білім министрлігі мен Ұлттық тестілеу орталығы 2024-2025 оқу жылына арналған білім гранты иегерлерінің тізімін жариялаған еді.
Грантқа 104 мыңнан астам талапкер құжат тапсырған. Бұл өткен жылғы көрсеткіштен 10 мыңға артық. Ең үлкен талас «Стоматология» мамандығында тіркелген.

Фото: скриншот