ЖОО-ға құжат қабылданатын уақыт белгілі болды
Ғылым және жоғары білім министрлігі талапкерге арналған күнтізбені жариялады. Негізгі ҰБТ 16 мамыр-7 шілде аралығында өтеді.
ЖОО-ға құжаттарды қабылдау мерзімі – 20 маусым-25 тамыз.
«Педагогикалық ғылымдар» және «Денсаулық сақтау» мамандықтарына түсушілер үшін арнайы емтихандар 20 маусым-20 тамыз аралығында (конкурсқа қатысу үшін 20 шілдеге дейін өткізіледі).
Шығармашылық емтихандарға қатысу үшін өтініштер 20 маусым-10 тамыз (конкурсқа қатысу үшін 7 шілдеге дейін) аралығында қабылданады.
Шығармашылық емтихандар 7 шілде-15 тамыз (конкурсқа қатысу үшін 20 шілдеге дейін) аралығында өтеді.
Білім беру гранттары конкурсына қатысуға өтініштер 13 шілде-20 шілде аралығында қабылданады.
Грант иегерлерінің тізімі 10 тамызға дейін жарияланады.
Қосымша ақпаратты ЖОО ресми парақшалары мен сайттарынан ала алуға болады.
Фото: коллаж: kursiv.media, бильд-редактор: Аружан Махсотова
Ең көп оқылған
