«Бурабай» мемлекеттік ұлттық табиғи паркінің аумағындағы Көкшетау тауының екі қарама-қарсы беткейінде орман төсеніші мен өсімдік жамылғысы өртенді, деп хабарлайды Malim.kz.
Өртті сөндіруге Ақмола облысы ТЖД, «Бурабай» МҰТП және «Қазавиаорманқорғау» РМКК-ның 150-ден астам қызметкері мен 17 техника жұмылдырылды. Сондай-ақ ТЖМ-нің Ми-8 тікұшағы 15 мәрте су төгіп, жалпы 75 тонна су шашты.
Қазіргі уақытта өрттің бір ошағы толық сөндірілді. Екінші ошақ оқшауланып, оны «Бурабай» ұлттық паркінің мамандары бақылауда ұстап отыр.
Алдын ала мәлімет бойынша, өрттің шығуына найзағайдың түсуі себеп болған. Зардап шеккендер жоқ.
