Бүркіт лақап атымен танымал қазақстандық әнші Айбек Жансейітов әкесінің 88 жасқа толған туған күнін қалай атап өткенін көрсетті, деп хабарлайды Malim.kz.
Өнер иесі кештің видеосын Instagram-дағы парақшасында жариялады.
Туған-туысымызды, әкем мен анамыздың жора-жолдастарын үйге шақырып, әкеміздің 88 жасын атап өттік. Біздің байлығымыз осы. Әкем мен анам бір қуанып қалды, шіркін! Көңіл күйлері бір көтеріліп қалды. Бұрынғыны еске түсіріп, әбден күліп алды. Қарттық деген осы! 100 жасаңыздар! деп жазды әнші.
Оқырман қауым да Бүркіттің әкесіне мықты денсаулық пен ұзақ ғұмыр тілеген.
Бұған дейін әнші әкесінің туған күнін дүбірлі етіп тойламай, ата-анасын шетелге демалуға жіберуді құп көргенін алға тартқан.
Фото: instagram.com/berkut_aibekjan
