Нұр-Сұлтан қаласы Есіл ауданының №2 соты Нұр-Сұлтан әуежайынан миллиард теңгеден аса қаржы жымқырғандарға шешім шығарды. Бұрынғы бас бухгалтер және өзге де «Астана халықаралық әуежайы» АҚ қызметкерлері 1,6 миллиард теңге жымқырғандары расталып, кінәлі деп танылды.
«Астана халықаралық әуежайы» АҚ-тың бұрынғы басшысы Рәділбек Әлимолда қызметіне селқос қараған деп айыпталды. Оның қылмысқа қатысы жоқ деген шешім шықты.
Әуежайдың бұрынғы бас бухгалтері Әлия Бабашева 11 жылға бас бостандығынан, өмір бақи мемлекеттік қызмет істеу құқығынан айырылды.
Тағы алты адамды бас бостандығынан айыру туралы үкім шықты. Біреуі 8 жыл, қалғандары 7 жыл мерзім алды. Олар қаржы саласында, материалдық құндылықтар айналымында 10 жылға дейін қызмет ете алмайды.
Сотталғандардың дүние-мүлкі – пәтерлері, үйлері, жер телімдері, жалпы соммасы 312 миллион теңге болатын 5 автокөлігі тәркіленіп, келтірген шығынды өтеуге пайдаланылады.
Сот үкімі күшіне енді.
Байланысты жаналықтар
MalimBlocks
Маржан Жұбаныш. Қазақ мультфильмін әлемге танытқым келеді
2022 жылы жарық көрген мультфильм сол жылы Жапонияда өткен анимациялық фильмдер фестивалінде 1-орын алды. Мультипликация өндірісінің отаны саналатын елде мұндай жоғары сыйлыққа ие болу өте қиын екені түсінікті. Tokyo Film Award фестиваліне әлемнің көптеген елінен жүздеген мультфильм қатысқан.
