Мақпал Жүнісова Нұрғиса Тілендиевтің сүйемелдеуімен ән айтқан сәтінен сурет жариялады

Қазақстанның халық әртісі Мақпал Жүнісова әлеуметтік желідегі парақшасында аңыз композитор Нұрғиса Тілендиевпен түскен суретін жариялады, деп хабарлайды Malim.kz.

Жеке мұрағаттан алынған суреттен жас әншінің Нұрғиса Тілендиевтің сүйемелдеуімен ән шырқап тұрғанын көруге болады. Жүнісованың сөзіне қарағанда, бұл сурет ол 7-сыныпта оқып жүргенде түсірілген.

Ұлы композитор Нұрғиса Тілендиевтің сүйемелдеуімен ән айтып тұрған сәт. Жетінші сынып оқушысы Мақпал Жүнісова, - деп жазды өнер иесі.

Нұрғиса Тілендиев – Қазақстанның (1975) және КСРО (1984) халық әртісі, Халық қаһарманы (1998). Екінші дүниежүзілік соғысқа қатысқан. 1952-61 жылдары Қазақ академиялық опера және балет театрының дирижері, 1960-64 жылдары Қазақ академиялық халық аспаптары оркестрінің бас дирижері болып қызмет атқарды.

Н.Тілендиев Қазақ академиялық фольклорлық-этнографиялық халық музыкалық аспаптары «Отырар сазы» оркестрін Қазақ филармониясы жанынан 1980 жылы ұйымдастырды.

Фото: instagram/zhunusova.makpal