"Тәуелсіз агенттіктер жүргізетін университет рейтингтері ұлттық көрсеткіш болып танылмайды"

Malim Админ

  • 04.06.2021

Білім және ғылым министрлігі жыл сайын елдегі жоғары оқу орындарының рейтингін жүргізеді. Министрліктің хабарлауынша, рейтинг жұмыс берушілердің білім беру бағдарламаларын бағалауы негізінде жүзеге асырылады. Көзделген негізгі мақсат – талапкерлер мен олардың ата-аналарын, қоғамды ақпараттандыру және жоғары білім сапасын тексеру.

Рейтингті "Атамекен" Ұлттық кәсіпкерлер палатасы жүргізеді. Сонымен қатар білім және ғылым министрлігі жоғары оқу орындарының ақпараттық базаларына деген қолжетімділікті қамтамасыз етті. Рейтинг нәтижелері кадрларды даярлау сапасы туралы жұмыс берушілердің нақты пікірін көрсетіп, жоо түлектерінің нарыққа қажеттілігі туралы нақты деректер береді.

Министрлік әртүрлі тәуелсіз агенттіктер өткізетін университеттердің рейтингтері ресми рейтинг болып танылмайтынын ескертеді.

«Соңғы уақытта ұлттық рейтинг деп жұртшылыққа ұсынылған жоғары оқу орындарының рейтингтері жарияланып жатыр. Әртүрлі агенттіктердің рейтингтері ұлттық көрсеткіш болып танылмайды, ол рейтингтерге ЖОО-лар өз қалауы бойынша және ақылы негізде қатысатынын айта кеткен жөн. Білім және ғылым министрлігі бұл рейтингтердің нәтижелері үшін жауап бермейді. Министрлік жоғары білімі бар кадрларды даярлауға мемлекеттік білім беру тапсырысын бөлу барысында, сондай-ақ басқа да шешімдер қабылдау кезінде жоғары оқу орындары рейтингінің нәтижелерін ескереді. Оны білім және ғылым министрлігінің тапсырысы бойынша "Атамекен" ҰКП жасайды», – деді білім және ғылым саласында сапаны қамтамасыз ету комитеті төрағасының орынбасары Гүлжан Жарасова.

Естеріңізге сала кетейік, талапкерлер мен олардың ата-аналары білім және ғылым министрлігінің тапсырысы бойынша "Атамекен" ұлттық кәсіпкерлер палатасы өткізетін ЖОО рейтингінің нәтижелерімен министрліктің және ұлттық Кәсіпкерлер палатасының ресми сайттарында таныса алады.

 

Байланысты жаналықтар

Карантинге қарсы митингке шықты

20.04.2020

Екі тау курортында бір абонементпен шарықта

02.09.2021

«Туристік Шымкент» квестінің үздіктері анықталды

29.04.2021

Алматыдағы креативті хабтың дизайнын әзірлеуге конкурс жарияланды

29.06.2022

Амандық Баталов: Маған демагог керек емес

19.02.2020

Надыров кетіп, Мадеева келді

19.10.2020
MalimBlocks
Карантинге қарсы митингке шықты

Екі тау курортында бір абонементпен шарықта

Шымбұлақ пен Oi-Qaragai тау курорттары біріңғай маусымдық абонементті шығарады. Осы абонемент алматылықтар мен қала қонақтарына екі курорттағы қызметтерін тамашалауға мүмкіндік береді.

«Туристік Шымкент» квестінің үздіктері анықталды

Алматыдағы креативті хабтың дизайнын әзірлеуге конкурс жарияланды

"Шымбұлақ ТШК жариялаған конкурс бір айға созылады

Амандық Баталов: Маған демагог керек емес

Надыров кетіп, Мадеева келді