Шымкенттің жастардың патриоттық сезімін ояту, мәдени-тарихи мұраны зерттеуге тарту, ішкі туризмді дамыту және туған жерге саяхатты насихаттау, экскурсия жүргізуші дағдыларын меңгерген жастарды анықтап, үлге ету мақсатында «Туристік Шымкент» квесті атты онлайн жарыс өтті. Жарысқа негізінен М. Әуезов атындағы ОҚУ студенттік құрама командалары қатысты.
«Рухани жаңғыру және Қазақстан халқы Ассамблеясы» орталығының ұйымдастыруымен «ШЫМКЕНТ: МЫҢЖЫЛДЫҚТАР ТАРИХЫ ЖӘНЕ ҚАЗІРГІ ЗАМАН» атты рухани жаңғыру апталық форумы шеңберінде өткен бұл жарыста сайыскерлерге қаланың тарихи-мәдени және архитектуралық мұрасын және қазіргі мүмкіндіктерін зерттеу талабы қойылды.
Бір айта кетерлігі бұл жарыс әрі қарай жалғасын таба бермек. Мысалы, жеңімпаз топ қаладағы киелі орындар мен тарихи ескерткіштерді аралап, жергілікті тарихшылармен сұхбаттаспақ. Сондай-ақ, Шымкент қаласы Туризм басқармасы басшысы Олжас Шынтаевтың ұсынысымен «Shymkent tourism center» туристік-ақпараттық орталығының ұйымдастыруымен қаладағы барлық мекеме қызметкерлері мен студент-жастар онлайн диктант жазуы да жоспарға алынған.
