Ақтауда өз-өзін өртеген адамның жағдайы өте ауыр
Облыстық көпбейінді аурухана ер адамға қатысты мәлімет берді
Аурухананың жансақтау бөлімі дәрігерлерінің сөзінше, пациент әлі де жансақтау бөлімінде. Lada.kz жазуына қарағанда, жағдайы өте ауыр, ол өкпені жасанды желдету аппаратына қосылған, деп хабарлайды Malim.kz.
Әзірге оң өзгеріс байқалмайды. Осыған байланысты дәрігерлер болжам жасай алмай отыр.
Еске салсақ, ер адамның облыс әкімімен жеке кездесуді талап еткен еді. Бірақ бас тартылған соң әкімдік ғимаратының алдында өзін өртеп жіберген. Бұл видеосы желіде тарады. Полиция бұл оқиға бойынша қылмыстық іс қозғады.
Фото: видеодан скриншот
