«Кез келген жағдайға дайынбыз». Министр Ғани Бейсембаев мектептердің метапневмовирусқа дайындығын айтты
Ал Денсаулық сақтау министрлігі ДДСҰ-ға сауал жолдаған
Еліміздің білім беру жүйесі метапневмовирусқа қатысты кез келген жағдайға дайын. Бұл туралы Оқу-ағарту министрі Ғани Бейсембаев Үкіметте өткен брифингте журналистердің сұрағына берген жауабында айтты, деп хабарлайды Malim.kz.
Оның сөзінше, еліміздің білім беру жүйесі түрлі сынаққа жоғары дайындықты көрсетіп отыр. Бұл 2019 жылғы пандемия кезіндегі жинақталған тәжірибе.
Барлық колледж бен мектеп қажетті құрал-жабдықтармен толықтай қамтамасыз етілген. Алайда қазір менің ойымша, Денсаулық сақтау министрлігінің шешімін күту қажет. Біз түрлі сынақтарға дайынбыз, деді министр.
Ал премьер-министр орынбасары Тамара Дүйсенова жақында Денсаулық сақтау министрлігінің ДДСҰ-ға жүгінгенін айтты. Оның сөзінше, Олар паника тудырмау керек деп айтты, себебі бұл вирус көптеген жылдар бойы елдерде бар. Емдеу әдістері бар, профилактикалық шаралар жасау қажет.
Фото: Жансерік Күзембай/Malim.kz
MalimBlocks
