Қазақстандықтар биылдыққа емханаларда 103 млн рет қаралған
Дәрігерлерге қаралу ауылдық жерлерде де артқан
Жыл басынан бері қазақстандықтар емханаларға 103 млн-нан астам рет қаралған. Бұл өткен жылмен салыстырғанда 7%-ға артық, деп хабарлайды Malim.kz.
Денсаулық сақтау министрлігінің мәлімдеуінше, емханалар деңгейінде дәрігерлерге қаралу саны 81,3 млн-ды құраған, ал үйде пациенттерді қарау саны 7,5%-ға артып, 17,5 млн-ға жеткен.
Оң үрдіс ауылдық денсаулық сақтау деңгейінде де байқалады. Ауыл тұрғындарының бастапқы медициналық ұйымдарға қаралу саны 3,8%-ға артып, 41,8 млн рет қаралған. Оның ішінде 9 млн-нан астамы үйде тіркелген, деп жазылған министрлік мәлімдемесінде.
Жыл басында жалпы практика дәрігерлеріне өзін-өзі жазуға арналған кестелердің қолжетімділігінің үлес салмағы 20% деңгейінде болса, биылғы 1 қарашадағы жағдай бойынша бұл көрсеткіш 89,5%-ға жеткен. Арнайы мамандарға өзін-өзі жазуға арналған кестелердің қолжетімділігі 4%-дан 23,4%-ға дейін өскен.
Айта кетейік, бұған дейін Өскеменде емханаға баратын адамдар 11 пайызға көбейгенін жазған едік. Қараша басталғалы қала тұрғындары ауа сапасының күрт нашарлап кеткеніне қайта-қайта шағымданған.
Фото: Денсаулық сақтау министрлігі
Байланысты жаналықтар
MalimBlocks
