Қазақстан қор биржасындағы (KASE) сауда қорытындысы бойынша АҚШ долларының теңгеге шаққандағы бағамы тағы да төмендеді, деп хабарлайды Malim.kz.
Сауда нәтижесінде доллардың орташа сараланған бағамы 472,17 теңгені құрап, бір күнде 2,25 теңгеге арзандады.
Ал еуро бағамы керісінше аздап өсіп, 540,82 теңгеге жетті. Бұл алдыңғы күнмен салыстырғанда 0,24 теңгеге жоғары.
Ресей рублі де қымбаттап, 6,1217 теңгені құрады. Оның бағамы бір күнде 0,0486 теңгеге өсті.
Осылайша, соңғы сауда қорытындысы бойынша доллар арзандауын жалғастырса, еуро мен рубльдің бағамы аздап нығайды.
