Темнобор орманшылығының инспекторлары мен полициясы «Бурабай» МҰТП аумағында браконьерлерді ұстады, деп хабарлайды Malim.kz.
Орманшылықтың инспекторлық құрамы мен Біржан сал ауданы полиция бөлімінің қызметкерлерінің бірлескен рейдінде Жукей көлінде заңсыз балық аулаумен айналысқан браконьерлер қолға түскен.
Астана қаласының тұрғындарына тиесілі автокөлік құралын тексеру кезінде инспекторлар үш қайықты, тыйым салынған балық аулау құралын, сондай-ақ 122 келі тұқы тапты. Осы тәртіпбұзушылық бойынша барлық материал әрі қарай талқылау үшін Біржан сал ауданының полиция бөліміне берілді, деп мәлімдеді Ұлттық парк.
Фото: sergeydolya.livejournal.com
