Былтыр ел аумағында мыңнан аса стихиялық қоқыс үйіндісі анықталған
Соған байланысты 307 мың әкімшілік құқықбұзушылық тіркелген
Былтырғы сәуірден бастап республика аумағында ел аумағында 1120 стихиялық қоқыс үйіндісі анықталған, деп хабарлайды Malim.kz.
ІІМ мәліметінше, «Таза Қазақстан» акциясы аясында қатты тұрмыстық және құрылыс қалдықтарын рұқсат етілмеген жерлерде тастауға, сондай-ақ, сұйық қалдықтарды полигондардан тыс жерлерге төгуге жол бермеу бойынша жұмыс жүргізіп келеді.
Акцияға 7037 полиция қызметкері қатысқан. Нәтижесінде 1120 стихиялық қоқыс үйіндісі анықталып, сондай-ақ 307 мың әкімшілік құқықбұзушылық тіркелген. Оның ішінде қоғамдық орындарды ластаудың 109 мың дерегі; абаттандыру ережелерін бұзудың 198 мың дерегі анықталған.
Жергілікті атқарушы органдарға 782 бұзушылықты жою туралы нұсқау беріліп, оның нәтижесінде 524 қоқыс үйіндісі жойылған.
Фото: polisia.kz
