42 млрд теңге. Бюджет қаржысын игере алмаған министрліктер
Олардың қатарында Қаржы, Мәдениет және спорт, Қорғаныс министрліктері бар.
Министрліктер 42 млрд теңгені игермеген. Қаржы министрі Жамаубаев Үкімет отырысында бюджет қаражатын игерілмеу себептерін айтты.
Әсіресе Қаржы, Мәдениет және спорт, Қорғаныс және Ішкі істер министрліктерінде қаражаттың игерілмеуі көп байқалады. Оның негізгі себептері - шарт жасасу рәсімдерін ұзақ жүргізу, төлемнің негізділігін растайтын құжаттардың болмауы немесе ұсынылмауы, қазынашылық органдарына төлеуге берілетін шоттарды кеш ұсыну, орындалған жұмыстардың актілері мен шот – фактуралардың уақтылы ұсынылмауы, мемлекеттік сатып алу конкурстарының өткізілмеуі.
Жергілікті бюджет шығыстары 2,7 трлн теңгені құраған және 42 млрд теңге игерілмей қалған.Биылғы 4 айда республикалық бюджеттен 5,6 трлн теңге жұмсалған. Және 8 млрд теңге үнемделді.
Қаржы министрі «Мемлекеттік бюджеттің шығыстары 98,8%-ке, республикалық бюджеттің шығыстары – 99,4%-ке, жергілікті бюджеттердің шығыстары 98,5%-ке атқарылды. Республикалық бюджет бойынша 5,6 трлн теңге жұмсалды», - деді. Сонымен бірге, атқарылмай қалған 31 млрд теңгенің 8 млрд теңгесі үнемделген, ал 23 млрд теңгесі игерілмей қалған.
