Есеп комитеті ресми сайтында жарияланған мәліметке сәйкес, “Қазпошта” жекешелендірілетін компаниялар тізіміне кіреді. Экономиканы модернизациялау комиссиясы “Қазпоштаны” акциялардың бақылау пакеті арқылы (51%–дан 100% дейін) сатпақ.
Ықтимал инвестторлар тізімі келесідей:
- Ұлттық банк
- Eurasian Digital Ventures I LP және «ТрансКом» консорциумы
- «Алмалы» Активтерді басқару компаниясы» мен «Хави Казахстан» консорциумы
Сондай-ақ акция пакеттерінің 50%-дан 100% дейін бәсекеге қабілетті ортаға тапсырудың жол картасы жасалған.
Келер жылдың 16 қаңтарына дейін “Самұрық-Қазына” Қоры инвесторлар тізімін жаңартып, сатылымның минималды бағасын белгілеп, бір мәмілеге келуге уәде беріп отыр.
Айта кетейік, “Қазпошта” АҚ активтерінің 31.12.2020 күнгі құны 108,3 млрд теңге болған еді.
Есеп комитеті “Қазпошта” АҚ бақылау пакеттері сатылымы кезінде поштаның ауылдық пункттері жұмысын тоқтатуы мүмкін екенін айтады. Елімізде ауылдық пошта бөлімшелерінен түрлі сәлемдемемен қатар, қариялар зейнетақысын алады.
Байланысты жаналықтар
MalimBlocks
