Құрылысына 4,5 млрд жұмсалған кешенді бұзғалы жатыр

Malim Админ

  • 02.02.2021

Алматыда құрылысына 4,5 млрд теңге жұмсалған логистикалық орталық сот шешімімен бұзылғалы жатыр. 1200 адам жұмыс істейтін кешенді Қорғаныс министрлігі сотқа беріп, жер телімін қайтаруды талап етуде. Логистикалық орталықтағы басқарушы компания басшысы болып қызмет істейтін Қайролла Әлішевтің сөзінше, Қорғаныс министрлігі құрылыс жүріп жатқан уақытта да, кешен іске қосылған кезде де хат ескерту хат жолдап, ешқандай байланысқа шықпаған. Тіпті сотқа шағымдануларындағы уақыт алшақтығы он жылға дейін созылған.

Қайролла мырза, логистикалық орталықты Қорғаныс министрлігінің сотқа бергеннен бастасақ. Сот кешенді үш айдың ішінде бұзуға шешім шығарыпты. Осы жөнінде айтып берсеңіз.

Алғаш рет қорғаныс министрлігі сотқа 2008 жылы жүгінген. Алайда, 2009 жылы мамандандырылған ауданаралық экономикалық сотының (МАЭС) шешімімен  «GEGA» ЖШС адал сатып алушы болып танылды. Министрліктің одан кейінгі жер телімін босатуға мәжбүрлеу туралы сотқа жүгінуі  он жыл өткеннен кейін, яғни 2018 жылы болған. Алайда, істі қарау нәтижелері бойынша 05.02.2019 ж.  МАЭС ҚР ҚМ талап-арызынан бас тарту туралы шешім шығарылды. Алматы қалалық соты алқасының 22.05.2019 жылғы қаулысымен сот шешімі өзгеріссіз қалдырылды, яғни заңды күшіне енді. Бірақ содан кейін ҚР ҚК 02.10.2019 жылғы қаулысымен жоғарыда көрсетілген сот актілері жойылып, іс бірінші сатыдағы сотқа жаңа қарауға жіберілді. Істі МАЭС-те қарау нәтижелері бойынша ҚР ҚМ 10.02.2020 ж. қайтадан талап қоюдан бас тартылды. Алматы қалалық соты алқасының 27.07.2020 жылғы қаулысымен МАЭС-тің 10.02.2020 жылғы шешімі жойылып, ҚР ҚМ талабы қанағаттандырылды. Сотпен ХП ЖШС және Gega ЖШС Суйнбай көшесі 258/4 мекен-жайындағы жер телімінде тұрғызылған құрылыстарды бұзып, 28.10 2020 мерзімінде бос емес жер телімін босатуды міндеттеу туралы қаулы қабылданды. Қазіргі уақытта осы қаулыға 27.07.2020 ж. жоғарыда көрсетілген қаулыны кассациялық тәртіппен қайта қарау туралы ұсыныс енгізу туралы өтінішхат берілді... Орталық 2015 жылы ашылғаннан бері жоғары санаттағы мыңнан астам маманды жұмыспен қамтыды, халықаралық стандартқа сәйкес оқытып, қайта даярлап шықты. Енді келіп бес жыл жемісті жұмыс істеп тұрған орталықтың Алматы қалалық сотының ұйғарымымен «сүрілсін» деген шешімі шыққанда, бәрінің төбесінен жай түскендей болды.

Сіздер жер телімін Алматы қаласының әкімдігінен 2005 жылы сатып алыпсыздар. Сонда сотта сол кезде берілген жердің құжаттары қаралып, ескерілмеді ме?

Қорғаныс министрлігінің мәліметінше, 1940 жылдан бастау алған құжаттарға сәйкес, қойма орналасқан жер қорғаныс министрлігінің меншігі саналады. Кеңестік империя күйреп, Түркістан әскери округі таратылғанда әлгі жер де ұмыт қалған. Тәуелсіздіктен кейін жасалған құжат негізінде 2005 жылы «Global Ecological Group Almaty» «GEGA»  ЖШС 15 га жер учаскесін қала әкімдігінен сатып алған. Жердің құжаттары толық және заңды екені қарастырылды.

Кешенді салатын кезде ол жердің Қорғаныс министрлігіне тиесілі екенін білген жоқсыздар ма? Министрлік сол уақытта хат жолдап, ескерту жасаған жоқ па?

Кешен құрылысы басталған жылы да, құрылыс жұмысы аяқталып іске қосылған жылдарда да Қорғаныс министрлігі тарапынан  арнайы хаттар болған жоқ.

Логистикалық орталықтың құрылысы 2007 жылы басталып, 2015 жылы пайдалануға берілген. Орталық «А+» санатына жатады. 2020 жылы кешен бюджетке 300 млн теңге қаражат құйған.

Байланысты жаналықтар

Тегін оқуға грант алған әскери қызметшілердің тізімі жарияланды

22.10.2024

Алматыға шетелден келген сәлемдемеден гашиш майы табылған

19.10.2024

Ақ тот жұқтырған 160 мың хризантема Нидерландыға қайтарылды

19.10.2024

Алматыдан оңтүстік-батысқа қарай жер сілкінісі тіркелді

19.10.2024

Жазғы дөңгелекпен жүргендерге енді айыппұл салынады

18.10.2024

Доллар мен еуро құбылып тұр

18.10.2024
MalimBlocks
Тегін оқуға грант алған әскери қызметшілердің тізімі жарияланды

Гранттарға 2023 жылдың күзінде әскерге шақырылған 17 927 сарбазы үміткер болды

Алматыға шетелден келген сәлемдемеден гашиш майы табылған

Күдікті қазір тергеу изоляторында

Ақ тот жұқтырған 160 мың хризантема Нидерландыға қайтарылды

Сараптама гүлдердің ауруға шалдыққанын көрсеткен

Алматыдан оңтүстік-батысқа қарай жер сілкінісі тіркелді

Бірақ әсері ел аумағында сезілмеген

Жазғы дөңгелекпен жүргендерге енді айыппұл салынады

Доллар мен еуро құбылып тұр

Алматының ақша айырбастау пункттерінде доллар 487,1 теңгеден сатылып жатыр