ҚР Қаржы министрлігінің мемлекеттік кірістер комитеті шет мемлекеттердің салық органдарынан алынған ақпарат негізінде Қазақстанның 2 мыңнан астам резидентіне тексеру жүргізді, деп хабарлайды Malim.kz.
Нәтижесінде 1602 азаматтың 5,4 млрд теңгеге салық төлегені белгілі болды.
Қазынаға келген қаражат дивидендтер мен сыйақы түрінде түскен. Оның ішінде ең көп бөлігі Біріккен Араб Әмірліктері, Ұлыбритания, Қытай Халық Республикасы, Түркия және т. б. елдерге тиесілі.
Қазіргі таңда оффшорлық юрисдикцияларда ашылған азаматтарымыздың банктік шоттарындағы ақша сомасы 1,4 млрд теңгені құрайтынын айта кетейік.
Ең көп сома Панама республикасы 1,2 млрд теңге, Вануату 0,2 млрд теңге, Сан-Марино 0,1 млрд теңге сияқты елдерге және т. б. тиесілі.
Қазақстан CRS шеңберіндегі ынтымақтастық географиясын кеңейтуді жалғастыруда. Егер 2021 жылы деректер алмасу 51 юрисдикциямен жүзеге асырылса, 2024 жылы олардың саны 89-ға жетті, оның ішінде 26 оффшорлық ел. ЭЫДҰ әзірлеген бұл тетік капиталды заңсыз шығаруға қарсы күресте маңызды құрал болып табылады және шетелде шоттары бар қазақстандықтардың кірістерінен салықтарды тиімді әкімшілендіруге көмектеседі.
Фото Pexels.com
Байланысты жаналықтар
MalimBlocks
