«Қазақтелеком» АҚ «Мобайл Телеком-Сервис» компаниясындағы 100% үлесін Катардың Power International Holding холдингіне сату мәмілесін аяқтады, деп хабарлады «Қазақтелеком» АҚ басқарма төрағасы Бағдат Мусин өзінің Telegram парақшасында. Бұл туралы www.vlast.kz сайты жазды.
«Power International Holding ірі халықаралық ойыншы ретінде Қазақстан телекоммуникация саласына жаңа даму деңгейін әкеледі. Қазіргі бәсекелестік жағдайында операторлар тек бағаны төмендетіп қана қоймай, сонымен қатар сапалы қызмет көрсетуге мәжбүр болады», – деді Мусин.
«Мобайл Телеком-Сервис» ЖШС-ін сату туралы шешім 2024 жылдың 20 қаңтарында Қазақстан экономикасын жаңғырту жөніндегі мемлекеттік комиссияның отырысында қабылданды. 14 ақпанда Қазақстан Президенті Қасым-Жомарт Тоқаевтың Қатарға сапары аясында «Қазақтелеком» АҚ, «Самұрық-Қазына» қоры және Power International Holding арасында «Мобайл Телеком-Сервис» ЖШС-ін сату туралы үшжақты келісімге қол қойылды. Келесі күні «Қазақтелеком» АҚ басқармасының сол кездегі төрағасы Қуанышбек Есекеев мәмілені 2024 жылдың маусымына дейін аяқтау жоспарланып отырғанын айтты.
«Қазақтелеком» 2019 жылы «Мобайл Телеком-Сервис» ЖШС-інің 100% үлесіне иелік еткен. 2024 жылдың қаңтар айының соңында экономика министрлігі 2021-2025 жылдар аралығындағы кейбір жекешелендіру мәселелері бойынша Үкіметтің қаулысына өзгерістер енгізу жобасын жариялады, онда «Мобайл Телеком-Сервис» ЖШС-ін сату ұсынылған. Құжатта осы сату 2024 жылдың соңына дейін жүзеге асырылатыны көрсетілген.
Tele2 және Altel «Мобайл Телеком-Сервис» компаниясына тиесілі. Енді бұл байланыс операторларын Катар компаниясы басқарады.
Фото: orda.kz
Байланысты жаналықтар
MalimBlocks
