2026 жылдың алғашқы тоқсанында Қазақстанға шамамен 3 млн шетелдік саяхатшы келген. Олардың арасында ең көп болғаны - Өзбекстан азаматтары.
Ұлттық статистика бюросының дерегінше, қаңтар-наурыз аралығында Қазақстанға Өзбекстаннан 1,1 млн адам келген. Екінші орында - Қырғызстан: 723,5 мың адам, үшінші орында - Ресей: 564,7 мың адам. Яғни, осы үш елден келгендердің өзі Қазақстанға келген шетелдік саяхатшылардың басым бөлігін құрайды. Бұл ретте көрсеткіш тек алыс шетелден келетін туристерді емес, Қазақстанға кірген шетелдік келушілердің жалпы статистикасын қамтитынын ескерген жөн.
