Германияның Сыртқы істер министрі Йоханн Вадефуль Бахрейнде өткен қауіпсіздік конференциясында Газа секторына халықаралық тұрақтандыру күштерін орналастыру үшін БҰҰ мандатын беруді қолдайтынын хабарлады, деп хабарлайды Malim.kz DW-ге сілтеме жасап.
Министрдің айтуынша, мұндай мандат әскер жіберуге дайын елдер үшін де, палестиналықтар үшін де маңызды болмақ. Ол сондай-ақ миссияның халықаралық құқыққа негізделген айқын мандатпен жүзеге асуы қажет екенін атап өтті.
Вадефуль Израиль, Палестина, араб және еуропалық елдерді Газа бойынша бейбіт жоспарды бірлесе жүзеге асыруға шақырды.
