Иран Ислам революциясы сақшылар корпусының барлау басшысы Маджид Хадеми бүгін, 6 сәуір күні АҚШ пен Израильдің соққылары нәтижесінде қаза тапты, деп хабарлайды Malim.kz ТАСС агенттігіне сілтеме жасап.
«Иран Ислам революциясы сақшылар корпусының генерал-лейтенанты Сейед Маджид Хадеми, ықпалды әрі құрметті барлау ұйымының басшысы, бүгін таңертең үшінші мәжбүрлі соғыс кезінде дұшпандардың қылмыстық террористік шабуылы нәтижесінде рухани мәртебеге — қаһармандыққа лайық болды», деп жазды жергілікті БАҚ.
2025 жылы 20 маусымда Иран Ислам революциясы сақшылар корпусының барлау қызметінің жаңа басшысы болып Маджид Хадеми тағайындалған еді. Оның алдында бұл қызметті атқарған Мохаммад Каземи Тегеранға жасалған Израиль соққысы салдарынан қаза тапқан.
Бригадалық генерал Хадемиді барлау басқармасының басшысы етіп тағайындау туралы шешімді Иран Ислам революциясы сақшылар корпусының қолбасшысы Мохаммад Пакпур қабылдаған болатын.
