Түркияның Ақсарай провинциясында ауа райының күрт бұзылуына байланысты екі әуе шары апатқа ұшырады, деп хабарлайды Malim.kz Trt.haber-ге сілтеме жасап.
Оқиға салдарынан бір ұшқыш көз жұмып, 31 турист түрлі жарақат алды.
Қайтыс болған пилот әуе шарының себетінен құлап, ауыр жарақат алған. Зардап шеккендердің көпшілігі – Индонезия азаматтары. Олардың барлығы жақын маңдағы ауруханаға жеткізілді.
Апаттан кейін аймақта әуе шарларының ұшуы уақытша тоқтатылды. Түркияның Көлік министрлігі оқиғаға байланысты тергеу жұмыстарын бастады.
Фото: видеодан скрин
