Лос-Анджелестегі Санта-Моника бульварында көлік адамдар тобын қағып өтті, деп хабарлайды Malim.kz DW-ге сілтеме жасап.
Оқиға нәтижесінде 20-дан астам адам жарақат алды, олардың бірнешеуі ауыр халде. Бұл туралы қаланың өрт сөндіру-құтқару қызметі хабарлады.
Құтқарушылардың мәліметінше, 4–5 адам аса ауыр күйде, тағы 8–10 адам ауыр жарақат алған.
Жол-көлік оқиғасы Голливуд пен Беверли-Хиллз аймақтары арқылы өтетін Санта-Моника бульварында болған.
Қазіргі уақытта оқиғаның себептері белгісіз, тергеу жүргізіліп жатыр. Билік өкілдері ресми мәлімдеме жасауға асығар емес.
Фото: Patrick T. Fallon/AFP/Getty Images
