Қайғылы оқиға 2 қыркүйекте Ақтөбе облысы Темір ауданы Кеңесту ауылында болған, деп хабарлайды Malim.kz.
Ақтөбе облысы Полиция департаментінің мәліметіне сәйкес, аталған жайтқа қатысты қылмыстық іс қозғалған. Жанжал сабақтан тыс уақытта, яғни түнде болған. Оқыс оқиға салдарынан 9-сынып оқушысы көз жұмды.
Жанжалдасқандар ұсталып, полиция бөліміне жеткізілді. Екі күдікті анықталды. Тергеу амалдары жүргізіліп жатыр, - делінген хабарламада.
Ақтөбе облысы Білім басқармасының басшысы Жайық Сұлтанның сөзінше, ұсталған балалар толық отбасыдан шыққан. Есепте болмаған.
Қазір мектепте балалар арасында қауіпсіздікті күшейту, тәртіпті қатаңдату, буллингтің алдын алу шаралары қолға алынды.
Бас прокурор Берік Асылов Ақтөбе облысы Қопа кентінде оқушылар арасында болған оқиғаны «тәрбие берудегі кемшіліктерге байланысты болды» деп атады. Ол бұл істің тергеу барысын жеке бақылауына алды.
«Ақтөбе облысы Қопа кентінде оқушының қайтыс болу фактісі бойынша қылмыстық істі тергеу барысын жеке бақылауыма алдым. Бұл жағдай тәрбие берудегі кемшіліктерге байланысты орын алған, соның салдарынан жасы үлкен балалар кішілерге әлімжеттік жасап, бірін-бірін ұруға мәжбүрлеген», - деп жазды Берік Асылов.
Фото: gov.kz
Байланысты жаналықтар
MalimBlocks
