Ақтөбеде жол белгілеріне деп бөлінген 272 млн теңгені жеп қойған
Мекеме басшысының ісі сотқа жолданды
Ақтөбеде жол белгілеріне бөлінген 272 млн теңге бюджет қаражатын жымқыру фактісі анықталды, деп хабарлайды Malim.kz.
Ақтөбе қаласының прокуратурасы «Ақтөбе қаласының жол қауіпсіздігін қамтамасыз ету және цифрлық технологиялар орталығы» КММ-і директорының бюджет қаражатын жымқыру дерегін анықтаған.
КММ директоры қызметін пайдаланып мемлекеттік сатып алу шарттары негізінде 272 млн теңгеге жол белгілерін салу бойынша іс жүзінде орындалмаған жұмыстардың актілерін қабылдаған, деп жазылған прокуратура мәлімдемесінде.
Оның әрекеті ҚК-тің 189-бабы 4-бөлігі 2) тармағы бойынша сараланып (Сенiп тапсырылған бөтен мүлiктi иемденiп алу немесе талан-таражға салу), оған қатысты күзетпен ұстау бұлтартпау шарасы қолданылған.
Қазір қылмыстық іс Ақтөбе қаласының №2 сотына мәні бойынша қарау үшін жолданған.
Фото: Жансерік Күзембай/Malim.kz
Байланысты жаналықтар
MalimBlocks
