Ата-анасыз неке қиюға бола ма? Нұрлан имам жауабы

Нұрлан имам қыз балаға ата-анасыз неке қиюына болмайтынын айтты, - деп хабарлайды Malim.kz тілшісі.

Бұл туралы ол әлеуметтік желідегі парақшасында бөлісті. 

"Қыз бала неке қидырғанда жанында әкесі, бауыры, ағасы сынды бір жақыны болуы керек. Себебі қыз балалардың құлағына жігіттер неше түрлі әдемі сөздерді айтып, алдарқатып қоюы мүмкін. Сөйтіп қыз баланың басы айналып, не істеп, не қойғанын білмей, сенің жетегіңмен кетіп қалуы ықтимал. Әйелдерде эмоция, сезім көп болады. Сондықтан әлгіндей әемі сөзге елітіп, алданып қалып жатқан қыздар көп. "Сені екінші, үшінші әйелім қыламын" деп алдап, жылатып кеткен жағдайлар жетіп-артылады. Тіпті, намаз оқитындар, намазбен қорқытатындар бар арасында. Бұл – жақсы нәрсе емес", - деп жауап берді Нұрлан имам.

Заңда не делінген?

"Неке (ерлі-зайыптылық) және отбасы туралы" кодекстің 2-бабына сәйкес тек мемлекеттік органдар қиған неке (ерлі-зайыптылық) танылады.

​Қазақстан Республикасының Неке-отбасы заңнамасы ерлер мен әйелдердің некесі (ерлі-зайыптылық) ерікті, ерлі-зайыптылар құқықтарының теңдігі, балаларды отбасында тәрбиелеудің басымдығы, олардың дамуы мен әл-ауқаты қағидаттарына негізделеді.

Фото: Pixabay.com