Бақытжан Малыбаев Жамбыл облысы полициясының басшысы болып тағайындалды
ІІМ инспекторлық тексеру қорытындысына сәйкес бірқатар кадрлық тағайындау жүргізді
Жамбыл облысы полициясының басшысы жаңа бастығы болып бұрын көліктегі полиция департаментін басқарған Бақытжан Малыбаев тағайындалды. Бұл туралы ішкі-істер министрлігінің ресми интернет- ресурсында жазылды.
«Облыстық полиция ведомствосының жаңа бастығы болып Бақытжан Малыбаев тағайындалды»,- делінген хабарламада.
Мемлекет басшысының тапсырмасын іске асыру аясында, сондай-ақ Жамбыл облысы полиция департаментінде жүргізілген ІІМ инспекторлық тексеру қорытындысына сәйкес бірқатар кадрлық тағайындау жүргізілді.
Полиция департаментінің бастығы Арманбек Баймурзин және оның орынбасарлары Құрмет Мажикенов, Нұржан Рахметуллаев, Қанат Сматов, Бауыржан Удергенов, сондай-ақ ПД өзіндік қауіпсіздік басқармасының бастығы Алмас Қожашев қызметінен босатылды.
ПД бастығының бірінші орынбасары қызметіне Мақсат Қанапяев, ал орынбасарлары болып Бауыржан Жанаев, Жайдарбек Құттыбаев және Мұхтар Аманбеков тағайындалды.
Фото: egemen.kz
