Былтыр іздеуде жүрген 2 мыңдай адам қолға түскен
Хабар-ошарсыз кеткен 1361 адамның мекенжайы анықталған
2024 жылы Ішкі істер министрлігі Қазақстанның құқық қорғау органдары іздестіріліп жатқан 1949 күдіктіні ұстады, деп хабарлайды Malim.kz.
Ішкі істер министрлігінің мәліметінше, олардың ішінде: адам өлтіру бойынша – 43; қарақшылық шабуыл бойынша – 22; денсаулыққа ауыр зиян келтіру бойынша – 37; зорлау бойынша – 6; тонау бойынша – 68; бопсалау бойынша – 21; ұрлық бойынша – 484; есірткі қылмысы бойынша – 91 адм қолға түскен.
ТМД елдері мен алыс шет мемлекеттер үшін 844 қылмыскер ұсталған. Одан бөлек, хабар-ошарсыз кеткен 1361 адамның мекенжайы анықталған.
Қаңтардың басында Шымкентте жүргізілген жедел-іздестіру шаралары барысында мемлекетаралық іздеуде жүрген 52 жастағы ер адам ұсталған. Ол өткен жылдың қарашасында қарызын қайтармағаны үшін 54 жастағы қала тұрғынын атқан. Ал Семейде полиция 35 жастағы ер адамды құрықтаған. Ол 2023 жылы топпен бірге Алматыда қоғамдық көліктерде қалта ұрлығымен айналысқан. Жедел қызметкерлер барлық күдіктіні ұстады. Олар 42 ұрлық эпизодына қатысы бар айыпталып отыр.
Фото: polisia.kz
