Елордада кабель ұрлағыш «тышқандар» қолға түсті (ВИДЕО)
Олар ұрлықта «тышқан» әдісін қолданып отырған
Астанада полиция «крот» әдісімен кабель ұрлаумен айналысқан қылмыстық топтың қызметін тоқтатты, деп хабарлайды Malim.kz.
Қала полициясының мәлімдеуінше, полиция қызметкерлері қалада үш адамнан құралған тұрақты қылмыстық топты анықтаған. Олар кабель өнімдерін ұрлаумен айналысқан. Күдіктілер негізінен түнде канализациялық люктер арқылы жерасты құдықтарына кіріп, мыс кабельдерді ұрлаған. Әрқайсысының нақты міндеттері болған, олар ұрлыққа мұқият дайындалып отырған.
Ұрланған заттарды сату орнында тінту барысында полиция 7 қапқа салынған тазартылған мыс кабель өнімдерін және 3 радиостанция тапты. Сонымен қатар, сатып алушыдан электронды және механикалық таразылар мен мыс кабель өнімдері тәркіленді, деп жазылған полиция мәлімдемесінде.
Барлық күдікті өз кінәларын мойындап, бес кабель ұрлығының, соның ішінде, трансформаторлық подстанциядан мыс шиналарын ұрлаудың бір эпизодына қатысы бар екенін растаған.
Қазір олар уақытша ұстау изоляторына қамалып, осы дерек бойынша сотқа дейінгі тергеу жүріп жатыр.
Фото: сриншот
Байланысты жаналықтар
MalimBlocks
