Гүлмира Сатыбалдының адвокаты судьяны өзгертуді талап етті

Процесс Алматының қылмыстық істер жөніндегі мамандандырылған ауданаралық сотында өтіп жатыр. 

Айыпталушы қорғаушысының сөзінше, 19 тамыз күні өткен сотта судья Кәкімжанов сот тергеуін аяқтау туралы заңсыз қаулы шығарған.

-    Сот барысында Гүлмира Сатыбалдының кінәсіздігін дәлелдейтін құжаттар ұсынылған жоқ. Сонымен қатар сараптама жүргізілмеді. Ол туралы қорғаушы өтініш білдірді, қосымша куәгерлер шақырылмады», - деді Г. Сатыбалдының адвокаты.

Ал жәбірленуші Абай Жүнісовтің адвокаты Рашид Теңізбаев әріптесінің сөзімен келіспеді. Ол судья Кәкімжанов сот талқылауында қылмыстық істі жан-жақты, объективті тексеруді қамтамасыз еткенін атап өтті.

Судья Мартпек Кәкімжановқа наразылықты осы соттың басқа судьясы Еркін Майшинов қарады. 

-    Сот судья Кәкімжановқа қарсылықты қанағаттандыруға негіз жоқ деген қорытындыға келеді. Сот тергеуін аяқтау айыптау үкімінің бар екенін куәландыра алмайды. Себебі, судья дәлелдемелерді өзінің ішкі сенімдері бойынша бағалайды және заңды басшылыққа алады. Бұл іске жеке қызығушылық танытады деп ойлауға негіз жоқ. Бас тартуды қабылдамау туралы қаулы етемін», - деді судья Еркін Майшинов. 

Айта кетейік, бұған дейін жеке кәсіпкер Абай Жүнісов Гүлмира Сатыбалды бірлескен серіктестікте ұрлық жасады деп айыптаған. Гүлмира Сатыбалды кәсіпкерге кінәсін мойындауды талап етіп, 2019 жылы ақпанынан бері үйінде заңсыз қамауда ұстағанын мәлімдеген еді. 

Гүлмира Сатыбалды өзіне тағылған айыппен келіспейді. Бұдан бөлек, былтыр Гүлмира Сатыбалды біреудің мүлкін иемдену және жымқыру қылмыстық ісі бойынша 7 жылға бас бостандығынан айырылды.
Фото: Еламан Турысбеков / Kazinform