Интернет алаяқтық: елордалықтар 1 млрд теңгесінен айырылды
Жыл басынан бері елордада 1293 интернет алаяқтық фактісі тіркелді. Бұл туралы Астана қаласы Полиция департаментінің киберқылмыспен күрес басқармасының бастығы Талғат Бөлегенов мәлім етті,- деп хабарлайды Malim.kz.
Биыл 4 айда елордада 1293 интернет алаяқтық фактісі тіркелді, былтырғы 4 аймен салыстырғанда 16 пайызға төмен. Алаяқтық фактісі бойынша 78 тұлға ұсталып жауапкершілікке тартылды. Сондай-ақ 3 қылмыстық топ әшкереленді, оның біреуі алаяқтық Call орталығын ұйымдастырған. Интернет алаяқтық әрекеттерден келген жалпы залал көлемі – 1 млрд 903 млн 839 мың теңге, - деді Талғат Бөлегенов Астана қаласы коммуникациялар қызметі алаңында өткен баспасөз мәслихатында.
Оның мәлімдеуінше, залал соманың 15,5%-ы, яғни 295 млн 614 мың теңгесі ғана өтелді.
Интернет алаяқтықтан зардап шеккендердің 22%-ы 18-30 жас арасындағы азаматтар, 47%-ы 31-50 жастағы азаматтар және 31%-ы 50 жастан жоғары адамдар, - дейді ол.
Сондай-ақ спикер биыл Полиция департаменті жанынан киберқылмыспен күрес бөлімшесі құрылғанын мәлім етті.
Фото: aqtobegazeti.kz
Қазақстандағы жаңа ұлт: орыстілді қазақ пен қазақтың арасы алшақтап бара ма?
Ең көп оқылған
