Қазақстан полициясы қызметін күшейтілген нұсқаға ауыстырды
Бұл шара Тәуелсіздік күні қарсаңында қолға алынып отыр
Ішкі істер органдарының жеке құрамы бүгіннен бастап толық қызмет атқарудың күшейтілген нұсқасына көшті, деп хабарлайды Malim.kz.
Polisia.kz жазуынша, Тәуелсіздік күні қарсаңында полиция қоғамдық тәртіпті, азаматтардың тыныштығы мен қауіпсіздігін қамтамасыз ету бойынша жұмыстарын күшейткен. Мерекелік іс-шаралар өтетін жерлерде, сондай-ақ, азаматтар көп жиналатын орындарда және мемлекеттік қорғауға жататын нысандарда полиция нарядтары көбейтілген.
Жедел басқару орталықтарына қосылған бейнебақылау камераларының көмегімен бақылау күшейтілді. Ішкі істер министрлігі іс-шаралардың өткізілуі кезінде қоғамдық қауіпсіздіктің тиісті деңгейін қамтамасыз ету үшін барлық қажетті шараны қабылдайды, деп жазылған Ішкі істер министрлігінің мәлімдемесінде.
Фото: polisia.kz
