«Жұмысқа кіргізем» деп елден ақша жинаған алаяқ Дубайда ұсталды
Оған ІІМ халықаралық іздеу жариялаған еді
Алаяқтық жасағаны үшін іздеуде жүрген ер адам БАӘ-ден Қазақстанға жеткізілді, деп хабарлайды Malim.kz.
ІІМ мәлімдеуінше, 20 желтоқсанда ірі көлемде алаяқтық жасағаны үшін Қазақстан ІІМ Интерпол Ұлттық орталық бюросы халықаралық іздеу жарияланған 37 жастағы ер адамды Біріккен Араб Әмірліктерінен Қазақстанға жеткізген.
Министрлік ақпаратына қарағанда, 2020-2021 жылдар аралығында ол мемлекеттік органдарға жұмысқа кіруге көмектесу сылтауымен ел азаматтарының қаражатын иемденген. Ақшаны алғаннан кейін күдікті республика аумағынан кетіп қалған.
Биыл қаңтарда ІІМ Интерполының сұрауымен күдікті Дубайда ұсталды. БАӘ-нің құзыретті органдары оны біздің елге беру туралы шешім қабылдады, деп жазылған полиция мәлімдемесінде.
Ұсталған адамды қазір ІІМ ӘТД қызметкерлері қамауға алған.
Фото: ІІМ
